Það munar um Bjarna Harðarson í stuðningi við VG

Það er afar ánægjulegt að sjá hvernig andstæðingar ESB-aðildar eru að þétta raðirnar með stuðningi við VG í kosningunum á laugardaginn.

Það var Bjarna Harðarsyni líkt að stíga skrefið nú þegar línur eru að skýrast og ljóst hve mikið er í húfi að VG sem einarður andstæðingur aðildar komi sterkt úr úr kosningunum.

Andstæðingar hafa vænt Bjarna um hringlandahátt en þar er ég á annarri skoðun. Með framgöngu sinni fyrst innan Framsóknarflokksins, síðan í tilraun til sérframboðs Lýðræðishreyfingarinnar með andstöðu við ESB-aðild sem meginmál og nú með stuðningsyfirlýsingu við VG sýnir Bjarni samkvæmni og að það það eru málefni sem ráða hans för.

Ég er sannfærður um að Bjarni kemur ekki einn síns liðs nú á síðustu dögum kosningabaráttunnar heldur fylgja honum margir sem kunna að hafa verið í vafa um hvernig þeir ættu að verja atkvæði sínu.

Bjarni Harðarson styður VG

Athugasemdir

[Ólafur Björn Ólafsson, 21.4.2009 kl. 10:51]

Það er gott ef hann nær að fylkja fólki saman um að kjósa VG.

Ég var fyrir nokkru síðan búinn að gefa út að ég væri til í að styðja hann vegna andstöðunnar við EBé og sé nú að ekki er eftirsjá í því.

Vona bara að atkvæðin skili sér að lokum til VG og andstæðinga EBé aðildar.

[Guðjón Sigþór Jensson, 21.4.2009 kl. 12:00]

Bjarni er réttsýnn og að eg held heiðarlegur stjórnmálamaður. Hann viðurkenndi mikil afglöp Framsóknarflokksins að segja af sér þingmennsku enda á góður maður ekki heima í einu helsta spillingarbæli landsins.

Mosi

[Marteinn Unnar Heiðarsson, 21.4.2009 kl. 12:43]

ESB

Manni er farið að gruna að sambó hafi lofað ESB ráðherrunum eitthvað og þegið mútur styrki frá ESB í staðin og sama má sega um formenn ASÍ og marga aðra sem lofa ESB í hástert allavega er þetta fólk ekki að hugsa um hag þjóðarinnar það er einhverjar skrýtnar kendir þar að baki!!!!Afhverju vill þetta fólk ekki ræða um Dollar sem gengi fljótar fyrir sig og ekki þarf að láta fullveldi landsins á móti einsog sambó og ASÍ vilja gera.Það þarf ekki að fara í aðildarviðræður við vitum um 98% reglunum og hvað við fáum en það eru þessi 2% sem eru aðalmálið og allt snýst um .Það er nóg að senda 2 fúlltrúa þarna út til Brussel með eitt bréf sem í stendur þetta er það sem við viljum halda að fullu hér semsagt fiskimiðin-landbúnaðurinn-og okkar dýrmæta orka og náttúra og hvað viljið þið gera?ekki einfaldara.Og svarið verður stutt og laggott frá ESB farið bara heim aftur við höfum ekkert við ykkur að tala.Muna bara að kjósa ekki þennan spyllinga flokk sem vil afsala okkar sjálfstæði.

[Guðmundur St Ragnarsson, 21.4.2009 kl. 13:02]

Ha ha ha. Ekki voru VG menn hrifnir af Bjarna harðar í tölvupóstsmálinu en það er gott að menn eru farnir að sættast við hann.

[Sigurjón Pálsson (IP-tala skráð) 21.4.2009 kl. 14:08]

Samfylkingin ætlar inn í ESB eins fljótt og hægt er eftir kosningar. 

VG gengur heitbundin SF til kosninga og verður þar með hækja Samfylkingarinnar inn í ESB.

Glæsilegt hlutskipti það, fyrir ykkur VG menn og konur og Bjarna.

[Gísli Ingvarsson, 21.4.2009 kl. 15:07]

Var ekki Bjarni bara að grínast? Bjarni er nú dálítill uppistandari í sér.