Skynsamleg ákvörðun sjávarútvegsráðherra

Skynsamleg er sú ákvörðun sjávarútvegsráðherra að halda sig við áður markaða stefnu um þorskkvóta á næsta fiskveiðiári. Hún fer ekki langt frá tillögu Hafrannsóknarstofnunar sem gekk út á 124 þúsund tonna aflamark eða sem svarar 20% úr viðmiðunarstofni.  Innan fárra ára kemur í ljós hver árangur verður af þessari viðleitni til að vernda þorskstofninn.

 

Þorskkvótinn 130 þúsund tonn

Athugasemdir

[Árni Gunnarsson, 1.7.2008 kl. 23:29]

Var það þá eftir allt saman óskynsamlegt af Rússum og Norðmönnum að hafa rágjöf Alþjóða hafrannsóknarráðsins um 110 þús. tonna þorskkvóta í Barentshafinu að engu og auka jafnstöðuaflann upp í 500 þús. tonn á 8 árum?

Ég er býsna sannfærður um að jafnt á láði sem legi þarf ungviðið fæðu til að vaxa upp í eðlilega kynþroskastærð. Sem gamall bóndi veit ég að ég yrði talinn kjáni ef ég seldi heyið af túninu og setti svo allar gimbrarnar á vetur. Jafn kjánalegt finnst mér það vera að friða soltinn horþorsk á uppvaxtarskeiði og horfa svo upp á kynþroska þorsk koma til hrygningar mörgum kílóum undir þekktri og eðlilegri meðalþyngd. 

[Hafsteinn Viðar Ásgeirsson, 2.7.2008 kl. 00:12]

Það er gott að einhver sér skynsemina í þessu endalausa niðurskurðarkjaftæði sem engu hefur skilað öll þessi ár. Það þarf greinilega náttúrufræðing til þess, sjómenn og þeir sem eru að lifa og hrærast í sjávarútvegi sjá hvergi til lands í ruglinu.

[Sigurður Þórðarson, 9.7.2008 kl. 20:25]

"Já ráðherra"

EKG er stjórnmálafræðingur en ekki líffræðingur og hefur aldrei verið til sjós þó hann sé ættaður úr Bolungarvík.  Hvenær fáum við sjávarútvegsráðherra sem gerir sér ferð niður á bryggju víðs vegar um landið á góðviðrisdögum og spyr almæltra tíðinda?  Ekki gera þeir hjá "Hafró" það óbeðnir.