Lýsandi hrossakaup um ólýðræðislega uppbyggingu ESB

Niðurstaða Evrópusambandsins í vali nýrrar forustu í kjölfar Lissabon-stjórnarskrárinnar eykur enn á andlýðræðislega ásýnd Brusselveldisins. Eftir miklar þrautir og baktjaldamakk urðu leiðtogar aðildarríkjanna sammála um gera belgískan hægrimann að fyrsta forseta ESB og nær óþekkta konu úr lávarðadeild breska þingsins sem aldrei hefur verið kosin til nokkurra verka að utanríkisráðherra sambandsins. Hún uppfyllti þau skilyrði að vera úr hópi sósíaldemókrata og kvenmaður en mjög hefur hallað á konur í virðingarstöðum í ESB.

Forsetanum nýja, Van Rompuy, er lýst sem lægsta samnefnara sem stóru ESB-löndin sættu sig við og hann muni varla trufla þau með róttækum hugmyndum sem gangi gegn hagsmunum þeirra. Helsta dægrastytting hans er sögð vera að yrkja "haikus"-ljóð í japönskum stíl og stunda hjólhýsaferðir. Barónessan sem nú á að verða rödd ESB á vettvangi utanríkismála og stýra 5000 manna sveit dipómata í 130 sendiráðum ESB er sögð litlaus (uncharistmatic) og reynslulaus á sviði utanríkismála.  Bæði verða þau vel haldin í launum, enda sambandið þekkt fyrir rausnarlega þókknun til starfsmanna sinna og þingmanna á Evrópuþinginu.

   

Athugasemdir

[Ragnar Gunnlaugsson, 22.11.2009 kl. 15:29]

Furðulegt fyrirbæri þetta ESB. En ég er hræddur um að okkur verði nauðgað þarna inn af Samfylkingunni,nú verða þínir flokksbræður og systur að standa í lappirnar meðan þeir eru í stjórn með þessu liði.

[Gústaf Níelsson, 22.11.2009 kl. 17:05]

Hárrétt geining á mannavalinu Hjörleifur, sem engu þarf að bæta við.

[Helgi Jóhann Hauksson, 22.11.2009 kl. 21:06]

ESB-andstæðingum finnst þeir alltaf eiga fullkomna stöðu til að nýða Evrópu.

Hér sannast það enn þ.e. fyrirfram var af þeim máluð sú mynd að nýja forsetaembættið væri ætlað sterkum leiðtoga sem beygði Evrópu undir einskonar einræðisvald nýs alræðis. Þegar niðurstaðan er hið gangstæða þá er það einmitt sagt vera sönnun um vonsku, undirferli og illan tilgang Evrópulanda.

- Frumsetng ESB-andstæðinga er „Evrópa er ill“ og svo þurfa Hjörleifur og Davíð og þeir hinir bara að finna út hvernig allt sem þar gerist sé einmitt sönnun um illsku - því jú allt sem gert er á vettvangi ESB er gert í illum tilgangi.

PS. er það ekki sönnun um að ASÍ ætli sér alræði og heimsyfiráð að þar er formaður kallaður „forseti“?

[Elle_, 22.11.2009 kl. 23:03]

Kæri Helgi.  Ekki skal ég níða Evrópu, þó vil ég alls ekki gangast undir völd USE.  Og ekki vegna minni landanna, heldur þeirra stærri: Bretlands,  Frakklands, Ítalíu, Spánar og Þýskalands sem munu ráða nánast öllu.   Og það er ekkert hatur á Evrópu og öllum 27 löndunum þar að vilja ekki að landið verði yfirtekið undir þeirra lög og yfirstjórn.  Við munum engu ráða í stórveldinu USE, ekki frekar en Lettland, Tékkland, etc.   Munum verða eins og nál í heystakki með hverfandi vægi. 

[Helgi Jóhann Hauksson, 23.11.2009 kl. 05:00]

Hefur þú kynnt þér hvernig neitunarvaldið er notað í ESB, eða hvernig ákvarðanir eru teknar í leiðtoga- og ráðherraráðinu, þ.e. að þar er nær aldrei atkvæðagreiðslur því hvort sem mál falla undir samstöðuákvarðannakerfið eða ekki er nær aldrei tekin þar ákvörðun gegn eindregnum vilja einhvers aðildaríkis, hvað þá grundvallarhagsmunum þess.

Hefur þú Elle áttað þig á hve gríðlegt vald fylgir ESB-aðild?

- T.d. hefðum við getað verið að neita staðfestingu á Lissabonsáttmálanum nema Icesave væri leyst með viðunandi hætti, í stað þess sem nú er að vera undirseld reglum sem við höfðum engin áhrif á þegar þær voru settar og höfum heldur ekkert vald, úrræði eða tæki til að beita til varnar okkur ef gengið er gegn grundvallarhagsmunum okkar.

Það er ástæða þess að helstu milliríkjadeilur umsóknarríkja við aðildarríki þurfa vera leyst áður en að aðild getur orðið að með aðild fá ríkin þetta öfluga vopn sem neitunarvaldið er, og ríki hika ekki við að nota á óskyld mál þegar grundvallarhagsmunum er ógnað á sviði þar sem neitunrvaldið gildir ekki.

Ef við hefðum verið aðildaríki að ESB við hrun, en allt annað samt farið eins (sem ekki hefði gerst) hefðum við t.d. beitt neitunarvaldinu á Lissabonsáttmálann til að verja grundvallarhagsmuni okkar í ICESAVE.

- ESB-aðild fylgir feiknamikið vald fyrir litla þjóð, en alls ekki áhrifleysi, heldur vald til að hafa árhif á okkar mál þar sem við höfum engin áhrif í dag og vald til að verja grundvallarhagsmuni okkar þar sem við eigum engin úrræði í dag.

[Elle_, 23.11.2009 kl. 12:52]

Finnst það ekki nógu öruggt, Helgi, og of langsótt.  Held þeir muni allfaf gera það sem þeim finnst vera fyrir almannaheill, og ekki endilega hvað varðar okkar almannaheill og hvað við viljum, heldur fyrir heild allra innan ríkisins.   Og líka hvað fiskinn okkar varðar, etc.