Gátan um raforku til Helguvíkuráls áfram óráðin

Sigmundur Einarsson jarðfræðingur hefur skrifað nýja grein á www.smugan.is og svarar þar skilmerkilega þeim sem gert hafa lítið úr röksemdum hans um að mikið vanti á að tryggð sé raforka til álverksmiðju í Helguvík. Undir niðurlag greinarinnar sem ber fyrirsögnina "Er HS-Orka í krísu í Krýsuvík?" segir Sigmundur:

"Bygging álversins mun vera hafin. Það ku bráðvanta háspennulínur. Og svo vantar fjármagn til hafnarframkvæmda. En orkuöflun virðist vera aukaatriði. Þar er fjármagn ekki eina vandamálið. Það vantar ekki bara orku. Það vantar orkulindir. Hvernig er þetta hægt? Hér hefur framkvæmdaröðin riðlast svo um munar."

Sigmundur vísar á iðnaðarráðherra og orkumálastjóra og biður þá um svar við spurningunni: Hvar er orkan fyrir álverið? Það eru áreiðanlega margir sem kjósa að fá svar við þeirri spurningu og í þeim hópi jafnvel fyrirtækið Norðurál.

 

Athugasemdir

[Ómar Bjarki Smárason, 15.11.2009 kl. 00:19]

Sæll Hjörleifur.

Gott hjá þér að halda þessu til haga og vekja á þessu athygli.

Góðar kveðjur,

[Andrés Kristjánsson, 18.11.2009 kl. 00:47]

Sæll Hjörleifur.

Holótt álvæðingin virðist stranda á grundvallar atriðum um orkugetu, fjármagni og arðsemi. Þá eru menn ekki farnir að gera mat á umhverfisraski, eða vilja ekki að í slíkar skoðanir yrði farið. 

Mér þykir líka vanta umfangið í umræðuna, en hér er verið að tala um tvöföldun á bræðslu sem var gríðarleg fyrir.

Svo ég endi á að taka undir með Ómari hér að ofan, gott hjá þér að halda Þessu til haga.

kveðja