Óskammfeilin afskipti stækkunarstjóra ESB af íslenskum málefnum

Afskipti Olle Rehn "stækkunarstjóra ESB" af íslenskum málefnum eru afar ámælisverð. Fréttastofa RÚV lagði lykkju á leið sína nú sem oftar til að ræða við þennan finnska kommissar í framkvæmdastjórn ESB.

Í viðtalinu sá Rehn ástæðu til að undirstrika að "Ísland eigi heima í ESB" og "því fyrr sem Ísland gangi inn þeim mun meiri líkur eru á að þeir geti haft áhrif á mótun sjávarútvegsstefnu sambandsins." Steininn tók síðan úr þegar stækkunarstjórinn staðhæfði að það skipti máli hvaða ríki fari með formennsku hverju sinni og nú væri "tækifæri fyrir Íslendinga sem þeir ættu að grípa á meðan Svíar eru í forsæti."

Ég tel að íslensk stjórnvöld eigi að mótmæla opinberlega slíkum afskiptum Evrópusambandsins af íslenskum málefnum sem eru bæði óskammfeilin og gróf íhlutun í undeildasta mál íslenskra stjórmála nú um stundir.

Athugasemdir

[Andri Geir Arinbjarnarson, 4.5.2009 kl. 20:08]

Hjörleifur,

Er ekki einmitt ágætt að leyfa útlendingum að skipta sér að innanríkismálum á Íslandi.  Ekki virðumst við svo fær um að sjá um að koma okkur út úr eigin vandræðum.  Betur sjá augu en auga og við þurfum alla þá hjálp sem við getum fengið.  Okkur vantar hæft og þjálfað fólk til að vinna þá vinnu sem þarf til að koma okkur út úr þessari kreppu. Þar getur ESB orðið okkur að liði. Við megum ekki láta gamla hugmyndfræði og tepruskap slá okkur út af laginu.

[Eiður Svanberg Guðnason, 4.5.2009 kl. 20:49]

Er það svo Hjörleifur,sæll, að það megi enginn útlendur maður tjá sig um stöðu mála á Íslandi án þess að vera sakaður um „dólgshátt" eða „óskammfeilni ? ". Stundum þarf útlendinga til að opna augu okkar fyrir augljósum staðreyndum. Munum að það voru útlendir kommúnistar sem lokuðu augum og eyrum íslenska kommúnista fyrir augljósum staðreyndum.

[Jón Valur Jensson, 4.5.2009 kl. 22:01]

Mér blöskruðu líka Sjónvarpsfréttirnar, Hjörleifur, í ofanábót á tal þessa Rehns um daginn, þar sem hann kvað Íslendinga "eiga heima" í Evrópubandalaginu. Þetta er ekki bara eitthvert snakk einstaklings úti í löndum, heldur óþolandi íhlutun háttsetts valdamanns í framkvæmdastjórn voldugs ríkjasambands í innanríkismál lítils, en sjálfstæðs lands.

PS. Andri þessi Geir gæti naumast beygt sig meira sem Íslending en með þessari lítilþægu undirgefni.

PPS. Eiður þessi Svanberg hefði fyrzt við, ef embættismaður í Rússlandi eða Kína eða Bandaríkjunum væri að tala svona niður til okkar Íslendinga; en nú eru það evrókrtatarnir sem eiga málstaðinn illa, og þá skal hann varinn fram í andlátið! Hvílíkur aulaháttur! Mér er eiður sær.

[Eiður Svanberg Guðnason, 4.5.2009 kl. 22:52]

Jón Valur Jensson: Þú segir „Andri þessi Geir" og „ Eiður þessi Svanberg". Burt séð frá skoðunum talar þú niður til okkar af prédikunarstóli þínnar sér kennilegu manngæsku og kærleika, Skrif af þessu tagi fela í sér rökþrot, uppfgjöf. Þér er reyndar vorkunn. Það er ekki hægt að eiga orðastað við þína líka.

[Jón Valur Jensson, 4.5.2009 kl. 23:02]

Þessi Eiður hneykslast yfir orðinu 'þessi', og vissulega er það hræðilega dæmandi orð, og ég á auðvitað að iðrast í sekk og ösku ... eða hvað?

Er það kannski hann sem er hlægilega hörundsár?

En svo að hann fái að lesa ærlega íslenzku, eru allir þeir, sem vita af réttindaafsali okkar, samþykkt sjávarútvegsstefnu EBé og uppgjöf æðsta lagasetningarvalds yfir landi okkar og miðum, sem fólgið væri í EBé-"aðild" (þ.e. innlimun), en kjósa þetta samt, ótíndir landráðamenn í mínum augum.

[Andri Geir Arinbjarnarson, 4.5.2009 kl. 23:03]

Eiður, Vel sagt.

[Skúli Guðbjarnarson, 4.5.2009 kl. 23:20]

Það var gott að Olli leiðrétti hluti sem hefur verið haldið fram í umræðunni hér.

Afskipti af innanríkismálum... jú það væri gott að losna við eins mikið af íslenskri stjórnsýslu úr landi og hægt er. Íslensk stjórnsýsla er spillt og gerir greinarmun á Íslendingum. Fyrir Evrópusambandinu erum við ein þjóð. Er það ekki það sem við viljum vera? Eða viljum við forréttindastétt kerfisgæðinga áfram?

Smæð þjóðarinnar gerir það að verkum að við eigum erfitt með að sýna hvort öðru hlutleysi og mismunun á sér stað.

Íslenskir stjórnmálamenn gera Evrópusambandið að freistandi möguleika.

[Jón Valur Jensson, 4.5.2009 kl. 23:37]

Það eru svik við landið og réttindi þess að skrifa svona, Skúli.

Þú sýnir uppgjöf með þessu. Í stað þess að gefast upp með þessum hætti eftir arfalélega frammistöðu stjórnmálamanna okkar, áttu að strengja þess heit að leggja þitt lóð á vogarskálina til að við fáum betri stjórnmálamenn. Hræðstu það ekki, að þeir gömlu verði alltaf á listunum. T.d. hrundu ALLIR SEX ráðherrar Sjálfstæðisflokks annaðhvort út af framboðslistum (Geir, Árni, Björn) við þessar kosningar eða náðu ekki nema 2. sæti á D-listanum í sínum eigin kjördæmum (Þorg. Katrín, Einar K., Guðlaugur Þór eftir útstrikunar-fall sitt verðskuldað).

[Valsól (IP-tala skráð) 4.5.2009 kl. 23:54]

Óli karlinn var bara að segja það sem satt og rétt er varðandi þessi mál. En það er annað, mig langar að þakka ykkur andstæðingum ESB fyrir það að ég þarf að borga lánið sem ég tók til að kaupa mér húsnæði, 17 falt til baka vegna krónunnar og þessara sér íslensku aðstæðna sem hér eru. Ykkur sem hafið ötulega barist á móti því að við færum í ESB ber að þakka fyrir svona glaðning, sem ekki bara ég fékk, heldur allir íbúða og húseigendur í landinu. Veistu, þetta verða 300 miljónir þegar upp verður staðið eftir 40 ár, þökk sé ykkur ESB andstæðingum. Alveg með ólikindum þetta rugl og rökin sem þið notið halda ekki vatni, eins og rökin með auðlindirnar.

En sem betur fer þá fáið þið ekki að ráða þessu, það er þjóðin sem á að fá að sjá sannleikan í málunu á svart og hvítu þ.e. samningin sem við náum við ESB, samningin sem þið andstæðingarnir eruð svo hræddir við. Og það ekki af ástæðulausu, þið vitið alveg eins vel og ég að þjóðin mun ekki hafna slíkum kostum sem í boði verða, það er það sem þið eruð hræddir við. Þá kýs þjóðin það sem hún vill, án afskipta ykkar.

[Valsól (IP-tala skráð) 4.5.2009 kl. 23:57]

Jón Valur, þó þessir Sjálfstæðismenn hafi fallið um sæti og Björn, Geir og Árni hafi orðið að hætta, helsur þú að það muni breyta einhverju? Þetta er nefnilega rétt það sem Skúli segir, en þið sem eruð með þjóðernisrembinginn viljið áfram hafa hér bitlingastjórnmál og spillingu, eða hvað?

[Jón Valur Jensson, 5.5.2009 kl. 00:22]

Valsól mættur á enn eina vefslóðina með sitt margleiðrétta rugl um 17-faldar endurgreislur vegna lána!

Það þarf að hreinsa miklu meira til í Sjálfstæðisflokknum og ryðja út bæði formanni hans og varaformanni, sem og Guðlaugi Þór; flokkurinn þarf allsherjarsiðbót "á höfði sínu og limum"; það er mitt álit.

En aftur að efninu:

Orðrétt sagði Rehn um daginn (ummælin sem kölluðu á viðbragð mitt: greinina um slettirekuhátt hans): "Islands natürlicher Platz ist in der EU. – eðlilegur eða náttúrlegur staður Íslands er í Evrópubandalaginu." – Þetta er ekkert annað en frek íhlutun í okkar innanríkismál.

Og í kvöld eru þau orp hans flutt okkur á Rúvinu, að "Ísland EIGI að nýta tækifærið meðan Svíar sitja í forsæti Evrópusambandsins og sækja um aðild"! – Þessi kommissar er farinn að segja okkur, hvað við eigum að gera! En hvenær höfum við kosið hann til að skipa okkur fyrir eða leiða okkur inn í framtíðina? Sjálfur er hann forgengilegur pótentáti, sem situr þarna sinn afmarkaða tíma, og ætti ekki að vera með puttana í málefnum óviðkomandi, sjálfstæðra þjóða – sízt af öllu að leika hráskinnaleik í samráði við 5. herdeildar menn hér á landi til að hlaða undir uppgjafarstefnu þeirra í málefnum þjóðarinnar.

Þeim mun fremur sem Íslendingar reynast þær heybrækur að þegja undir slíku tiltali, þeim mun líklegra er, að EBé-kommissarar haldi slíku áfram. Það verður eftir því tekið, hver viðbrögð Jóhönnu Sigurðardóttur og annarra Samfylkingarforingja verða við þessum yfirlýsingum Rehns.

[Eiður Svanberg Guðnason, 5.5.2009 kl. 12:12]

Gott er meðan fjandmenn  umsóknaraðildar  að ESB eiga sér  talsmenn á borð  við JVJ  Það er okkur  stuðningsmönnum umsóknar ómetanlegur stuðningur. Líklega heldur hann áfram að niðra fólk og uppnefna  en ekki ég viss um að það auki  stuðning  við málstað hans !

PS  til eru töflur sem  heita Immodium. Þær  eiga  að  stöðva  niðurgang , en ekki er ég viss um að þær  dugi  við því sem á íslensku er  kölluð  ritræpa.

[Sveinn Valdimar Ólafsson, 5.5.2009 kl. 13:05]

Hjörleifur, hingað til hefur verið óskammfeilið að virkja, hgsa til Drekasvæðisins, byggja álver, hugsa til ESB, græða pening ...... stundum kallað að færa björg í bú!!

kær kveðja

Sveinn

[Jón Valur Jensson, 5.5.2009 kl. 14:29]

Eiður þessi Svanberg finnur fátt rökfærslukyns til að svara mér, er nú kominn út í elexíraráðgjöf og virðist hafa yfirgefið umræðuna, mér er eiður sær.

[Gunnlaugur B Ólafsson, 5.5.2009 kl. 14:51]

Umræða virðir ekki landamæri, menning virða ekki landamæri, viðskipti virða ekki landamæri, sem betur fer. Við viljum ekki einangrast eins og berlega kemur fram hér í umræðunni. Mbk, G

[Baldur Gautur Baldursson, 5.5.2009 kl. 14:53]

Ég tek heilshugar undir ord thin Hjörleifur. Mér lýst fjarska illa á hvad thessi útsendari og förtölumadur ESB er ad gera og blanda ser i erfida innanrikismalapólitik Íslands.  Thetta er ámaelisvert og sérlega óheppilegt fyrir báda adila. 

Ég tel ad islensk stjórnvöld eigi ad setja ofan i vid thennan manns, Olle Rehn og bidja ESB ad halda sig fjarri innanrikismalum okkar.

(skrifa a tölvu sem leyfir ekki islenskt lyklabord - i ESB riki)   Bestu kvedjur!

[Hjörtur J. Guðmundsson, 5.5.2009 kl. 19:15]

Hvað ætli Evrópusambandssinnar hérlendir segðu ef einhver hátt settur bandarískur embættismaður hefði sagt að Íslendingar ættu heima í Bandaríkjunum og það væri sérstaklega heppilegt nú á meðan Obama sé forseti?

[Hjörleifur Guttormsson, 5.5.2009 kl. 21:37]

Góðir gestir.

Þetta eru líflegar samræður sem fram hafa farið hér síðasta sólarhringinn.

Það er áhyggjuefni þegar Íslendingar eru farnir að líta á það sem eðlilegt og jákvætt að erlendir valdsmenn séu að blanda sér í umræðu um íslensk innanlandsmál og hvetja til afsals landsréttinda. Kommissar Olle Rehn er með orðum sínum fyrir hönd Evrópsambandsins að segja til um hvað Íslendingar eigi að taka sér fyrir hendur, ekki sem hlutlaus áhorfandi heldur fyrir hönd upprennandi Evrópustórveldis.

Evrópusambandið vinnur markvisst að því að  gera hérlenda menn sér handgengna og með meiri árangri en ég hafði vænst. Forsætisráðherra Íslands um þessar mundir hefur beinlínis endurómað formúleringar hans um að rétt sé fyrir Íslendinga að sækja um aðild á meðan Svíar eru í forsæti fyrir ESB um 6 mánaða skeið. Allir sem til þekkja vita að slíkt skiptir efnislega engu máli um meðferð umsókna ríkja sem sækja um aðild að ESB.

Sundurlyndi íslenskra höfðingja á Sturlungaöld hafði í för með sér að þeir gengu Noregskonungi á hönd og landið glataði sjálfstæði sínu. Margt í nútíðinni minnir á þá atburðarás.

Fjölmargt má að stjórnarfari hérlendis finna í smáu og stóru. Vert er að hafa í huga að hrunið síðastlið haust varð í skjóli tilskipana sem yfirteknar voru frá Evrópusambandinu með EES-samningnum. Andvaraleysið því samfara ætti að verða þjóðinni víti til varnaðar en ekki til þess á hinn veginn, að ganga lengra og gefa sig enn frekar er fjarlægu valdi á hönd.

Verndun sjálfsforræðis á ekkert skylt við einangrunarstefnu, hvað þá fjandskap í garð grannþjóða. Í því felst einfaldlega svigrúm og réttur þjóðar til að gæta að lífsbjörg sinni og hagsmunum þeirra sem byggja landið nú og í framtíðinni. 

[Marteinn Unnar Heiðarsson, 6.5.2009 kl. 07:16]

Í kjölfar efnahagshruns. Íslensku kosningarnar: Snúast ekki um hægri og vinstri

Hann er alveg ótrúlegur fréttaflutningurinn af kosningunum á íslandi þann 25. apríl. Í tilraun til að vekja áhuga lesenda á eyju sem fáir þekkja fjalla dagblöðin um að vinstrið sé að ýta hægrinu úr sætum sínum. Vafalaust mun þessi pólitíska sveifla halda áfram í mörg ár um víða veröld. En fyrir íslenska kjósendur voru voru álitaefnin jarðbundnari. Ábyrgðarlaus einkavæðing banka í nýfrjálshyggjustíl er aðal vandamálið, en viðbrögðin við því flokkast ekki beinlínis til hægri eða vinstri viðfangsefna. Spurningin er hvort að kjósendur séu orðnir svo örvæntingarfullir í kjölfar þess að krimmar eyðilögðu fjármálakerfið að þeir munu sækjast eftir stöðugri gjaldmiðli (evru) með því að sameinast evrópu með þeim skilmálum að glata stjórn yfir fiskveiðum Íslands í norður Atlantshafi og leggi fáheyrðar skuldabirðar á axlir skattgreiðenda -- til að bæta breskum, hollenskum og öðrum evrópskum innistæðueigendum og bröskurum tap þeirra?

Evrópu dytti aldrei í hug að gera slíkar kröfur á Bandaríkin vegna hinna afleitu húsnæðisskuldabréfavöndla sem þeir keyptu af þeim, eða fyrir töpin sem urðu vegna gjaldþrots Lehman Brothers bankans. En Ísland er lítið land og e.t.v auðveldara viðureignar. Fyrir marga kjósendur er hugmyndin um að ganga í evrópusambandið freistandi fantasía - að taka upp evru til að leysa fjárhagsleg vandræði Íslands. Valkosturinn er einfaldlega að breyta tortímandi regluverki bankakerfisins og snúa við gjafakerfi fyrri tíðar til pólitískt tendra innherja. Sigurvegari kosninganna, Samfylkingin vill ganga í Evrópu, Vinstri grænir og fyrrum ríkjandi Sjálfstæðisflokkur vilja það ekki, miðjusækinn og dreifbýlissinnaður framskóknarflokkur (næst stærstur til margra áratuga) er hægfara í málinu en tilbúinn til viðræðna á forsendum hagfelldum íslandi.

Allir eru á móti innherjalénsveldinu sem hlóð niður skuldunum. Þessvegna tapaði helsti stuðningsaðili þeirra, Sjálfstæðisflokkurinn, þriðjungi fylgisins, (niður í aðeins 20% frá hefðbundnum 33-35%) sem er lægsta prósenta atkvæða og þingsæta í 80 ára sögu flokksins sem var stofnaður 1930. Dagar sjálftökustjórnmála eru liðnir og litlu meiri er samúð með erlendum lánadrottnum og sparifjáreigendum sem gerðu hana mögulega. En kjósendur eru uggandi ganvart þeirri afstöðu sem England og önnur evrópuríki hafa tekið gegn Íslandi og tilfæringum með Alþjóðagjaldeyrissjóðinn. Fyrrverandi forsætisráðherra sjálfstæðismanna (og síðar seðlabankastjóri) Davíð Oddson er grjótharður á því að íslenska ríkisstjórnin og þjóðin eigi ekki að taka ábyrgð á þessum slæmu skuldum og deilir þar með sjónarmiðum sem margir íslendingar hafa að mínu mati: Þessir glæponar sviku landið. Mýtan um ,,frjálst" framtak án regluverks er hrunin og einkavæðingin lítur út eins og sjálftökustjórnmál undir rós.

Nýlega sneri ég heim eftir viku heimsókn til Íslands - viku þar sem ég hitti stjórnmálamenn, fyrrum forsætisráðherra, yfirmenn fjármálastofnana, háskólaprófessora og stúdenta, kvikmyndagerðarmenn, sjónvarpsþuli, og ,,algerlega venjulegt fólk". Hugtökin ,,vinstri" og ,,hægri" dúkkuðu aldrei upp í samræðum við þetta fólk. Í brennidepli var hin lánadrottna-væna aðferð Íslands að verðtryggja húsnæðislán og aðrar skuldir - 17% verðbólgupremía fyrir lánadrottna byggð á vísitölu neysluverðs (í raun er skiptagengi krónunnar innflutt eins og flestar neysluvörur), til viðbótar 6% vöxtum húsnæðislána, sem hefur leitt til þess að nokkrir íslendingar sögðu mér að þeir höfðu glatað húsnæði sínu til bankanna. Enginn getur borgað 23% vexti á húsnæðislán sín til lengdar á meðan húsnæðisverð hrynur með efnahag landisns. Flestar fjölskyldur greiða nú með því að ganga á sparnað og reyna að bera skuldir sem eru í raun óborganlegar.

Þetta skýrir löngun þjóðarinnar í stöðugan gjaldmiðil, við það hyrfi klafi vaxtaviðbótarinnar. (verðtryggingar) Upphaflega voru bæði laun og skuldir verðtryggðar á Braselíska vísu. En dag einn var verðtrygging launa felld niður en verðtryggingu fjármálagerninga viðhaldið með hundalógík um að um "samningsbunda" endurgreiðslu verðmæta, samningar um laun ættu sér hinsvegar veikari lagastoð. Með öðrum orðum, stór fiskur borðar lítinn fisk. Engin stétt lánadrottna, hversu gráðug eða frökk, hefur nokkurntímann náð í gegn öðru eins og þessum lögum. En þetta létu íslendingar yfir sig ganga - þrátt fyrir að í landinu sé mikið um húseignir-á-lánum. Að taka upp evruna er almennt talið vera auðveldara en að breyta þessum lögum og losna við vaxta-álagið sem er einstakt fyrir ísland í víðri veröld. Mér þykir þetta lagatregðumál ótrúlegt, en það virðist vera vitnisburður um tiltrú Íslendinga á lög - hversu geggjuð sem þau kunna að vera.

Hrun gjaldmiðilsins varð vegna gjaldþrots og þjóðnýtingar þriggja aðal-banka Íslands. (Glitnir, Kaupþing og Landsbanki) sem tóku þátt í bylgju hrokafullrar vanhæfni og hreinna svika eftir að þeir voru einkavæddir í röð klíkusamninga árin 2002-03. Þessir bankar fóru á hausinn með nærri $100 milljarða í skuldir, en enginn veit nákvæmlega hversu mikið eða hver er hinu megin við borðið Í ýmsum samningum sem voru hluti af taflinu. Sérstakur saksóknari hefur verið skipaður til að grafast fyrir um hlutina, sem enn eru ógagnsæir.

Í raun er Ísland um margt líkt ríkjum fyrrum-sovétríkjanna. En í stað þess að koma úr kommúnistaflokknum eða rauðliðaæskunni eða öðrum minnisvörðum um Stalínískt skrifræði koma EINKAVINIR íslands úr röðum stór-landeigenda og áhrifamiklum fjölskyldum á sviði stjórnmála sem hafa ríkt yfir þjóðinni um aldir. Löngu fyrir þann tíma sem landið fékk sjálfstæði frá Danmörku árið 1944 með hjálp bandamanna þegar Danmörk var hertekin af nasistum.

Einkavæðing íslensku fiskimiðanna.

Þegar þýskir kafbátar hurfu af Norður Atlantshafi eftir stríðið kepptu Breskir togarar við íslenska fiskibáta um þorsk og aðrar fisktegundir. Eftir nokkur átök sem stóðu fram yfir 1970 tók Ísland forystu í að stofna 200 mílna fiskveiðilögsögu, að miklu leyti með stuðningi Bandaríkjanna sem íslendingar endurguldu greiðann pólitískt allar götur síðan.

Lög um sjávarútveg snúast um hver hafi yfirráð yfir náttúruauðlindum sjávar. Til að viðhalda fiskistofnum (að minnsta kosti í orði kveðnu) hefur ísland gefið út veiðileyfi fyrir ákveðna hluta þess sem árlega er leyft að veiða. Það magn er ákveðið árlega og byggt á mati á fiskistofnum. Í stað þess að fara klassíska efnahagslega leið og bjóða leyfin upp árlega til að fá sanngjarnan arð af auðlindinni hefur ríkið útdeilt leyfunum líkt og gert er með taxaleyfi í New York. Útlutað einu sinni og urðu þá varanleg, og hafa að sjálfsögðu hækkað í verði með tímanum. Hinir upphaflegu handhafar - pólítískir vildarvinir fyrir öld síðan - hafa arfleitt afkomendur sína að þeim, sem leigja þau út til hinna raunverulega sjómanna, eða einfaldlega haldið þeim áfram í fjölskyldunni. Ríkissjóður Íslands fær engin hlunnindi af nýtingu sjávar. Leyfin hafa einfaldlega orðið leigu-sugu gjald, greiðsla til fyrrum innherja og afkomenda þeirra.

Á uppboðsmarkaði mundu mögulegir leigutakar reikna út markaðsvirði þeirrar auðlindar sem þeir hyggjast nýta, reikna út kostnað við nýtinguna og mögulegan ágóða og bjóða í samræmi við það. Lagalega tilheyrir hafið íslensku þjóðinni, og ríkið fengi ágóðann. En í dag fá erfingjarnir eða aðrir sem hafa náð sér í kvótaleyfi frá upphaflegu innherjunum frá 1980, þessa peninga. Það er því ekki skrýtið að margir íslendingar séu svo fullir viðbjóði yfir einkavæðingu fiskimiðanna að þeim er alveg sama þó að Ísland glati fiskveiðiréttindum sínum. Eftir allt, í núverandi kerfi yrðu tapararnir eigendur þessara gerviveiðileyfa, en ekki íslenska þjóðin.

En þetta viðhorf blindar fólk gagnvart mjög ákjósanlegum valkosti - kosti sem ætti að höfða til tveggja hefðbundu miðjuflokka á grundvelli sjónarmiða um frjálsan markað, en einnig til ,,vinstri" af því að það er svo efnahagslega sanngjarnt: Að bjóða upp fiskikvótann árlega þannig að arðurinn renni til íslensku þjóðarinnar og verði hluti af tekjum ríkissjóðs, eins og ætti að vera með náttúruauðlindir, rétt eins og landið sem slíkt. Það er ekki nauðsynlegt að sameinast Evrópu, afhenda innherjum hennar fiskveiðiréttinn og bankamönnum hennar réttinn til að framleiða kredit (sem ætti að líta á sem almannaþjónustu) til að ná efnahagslegri heilsu.

Icesave slagurinn við Breta.
Hinn slagurinn við Breta varðar IceSave útibú Landsbankans, sem borguðu nægilega háa vexti til að sannfæra ríkisstjórn verkamannaflokksins um að beina því til sveitarstjórna að sýna "samfélagslega ábyrgð" með því að leggja sparnað inn á þá reikninga sem báru hæstu vextina. Rétt eins og að hátt vaxtaálag sé ekki endurgjald fyrir áhættu. Af því að IceSave var rekið sem útibú frá Íslandi öxluðu bretar hvorki reglu- né eftirlitshlutverk fyrir sitt leyti. Mér finnst þetta dæmigert breskt efnahagslegt vanhæfi, en það er háttur vanhæfra ríkisstjórna að kenna öðrum um allt sem miður fer. Þannig að þeir bættu innistæðueigendum að fullu og heimta að íslenska ríkisstjórnin skattleggi sína eigin þjóð, eins og innistæðurnar hefðu verið lán til hins opinbera!

Bretar frystu reikninga allra íslenskra banka til að þrýsta á málið, þar með talið Kaupþings á eynni Mön. Þetta hindraði þá í að flytja fjármuni út úr landinu og keyrði höfuðstöðvarnar heima á Íslandi í þrot. Einu lögin til að grípa til við þessar gripdeildir voru and-hryðjuverka neyðarlög, upphaflega sett til höfuðs Írskum og Araba grúbbum. Bretland stimplaði ísland sem hryðjuverkaríki, og beitti á meðan fjármálalegu ofbeldi sjálft. Að sjálfsögðu fannst íslendingum það órökrétt að bretar krefðust þess að þrátt fyrir háu vextina skyldu innistæðueigendur ekki tapa neinum fjármunum - sem er gagnstætt gríðarlegu tapi sem þeir urðu fyrir á mörkuðum í Bandaríkjunum og víðar erlendis. (að ekki sé nú minnst á Northern Rock og aðra ábyrgðarlausa lánveitendur innanlands). En með suma íslendinga þenkjandi á þeim nótum að banka skuldir eru ,,okkar" skuldir, því ekki að gera eins miklar kröfur og mögulegt er, þrátt fyrir að tvöfaldur standard væri augljóslega í gangi. (Ímyndið ykkur hver viðbrögðin yrðu ef, segjum, Þýskaland mundi saka Bandaríkin um að vera hryðjuverkaríki til þess að komast yfir bandarískar eignir til að bæta fyrir töp sem bankar í Dusseldorf og Saxony urðu fyrir vegna bandarískra undirmálslána)

Margir bandarískir blaðamenn léku með og kölluðu Ísland "Víkinga" og þeir kusu ,,Víking finance" fremur en "oligarchy" sem er pólitískt viðkvæmara orðalag. En það er heimskulegt að gefa í skyn ruddalegt Norrænt Villta Vestur. Ísland hefur engan her, og NATO stöðin fyrrverandi er núna Reykvíski alþjóðaflugvöllurinn. Hin harðduglega og ná-tengda íslenska þjóð er eins borgaraleg og hægt er að hugsa sér, með hæsta hlutfall séreignarhúsnæðis í heimi, vel menntuð og með dæmigert norrænt félagslegt velferðarkerfi og sameiginleg gildi. Þetta er skandinavískt jafnaðarríki, en á minni skala. Og kannski er það hluti af vandamálinu. Margir íslendingar eru svo borgaralegir að þeir trúa því að það sé heiður í því að endurgreiða fjárhættuspil vondra banka, rétt eins og um væri að ræða persónulegar skuldir meðal nágranna. En hinir stóru bankar voru ekki eins og flestir nágrannar, og tóku þátt í djúpstæðu fjármálasvindli. Í því voru vitorðsmenn þeir útlendingar sem nú krefjast þess að fá bætur fyrir.

Alþjóðagjaldeyrissjóðurinn kemur inn í myndina en heldur sig til hlés í bili.

Vanalega hagar AGS sér eins og innheimtufulltrúi fyrir alþjóðlega lánadrottna, en í tilviki Íslands virðist sendinefndin ekki hafa það notarlegt í því hlutverki. Enga fjármuni er enn búið að draga gegnum $10 milljarða lánalínu sem nýlega var samið um frá sjóðnum. Ég varð hrifinn að fjármálaráðuneytið ætlaði ekki að nota fjármuni frá AGS til þess að greiða útlendingum. Fjármálaráðherra, Steingrímur Sigfússon er formaður Græna flokksins og er tortrygginn gagnvart því hversu mikið slíkar lántökur - eða að ganga í EU - bæta málin með því að ríkið taki lán til að ná fram jafnvægi í stöðu þar sem ekkert jafnvægi er að finna.

Þetta skilur eftir spurninguna um krónu gagnvart evru. Svo lengi sem lánadrottna-hollum 17% gengisvísitöluvöxtum er bætt ofan á húsnæðislán er skiljanlegt að íslenskir húsnæðiseigendur vilji sjá verðstöðugleika. En það er ekki víst að evran skaffi hann. Hún mundi aðeins valda þvingunum, minnka hagkerfið til að minnka innflutning. Leiðin til að endurlífga krónuna er að stækka hagkerfið, og það þýðir að losna við verðtryggingu, ókeypis hádegisverð sem engin önnur þjóð á jörðinni hefur afhent fjármálageiranum.

Mýtan um að ESB muni berjast gegn spillingu og stuðla að efnahagslegri heilsu.

Fólk er mjög ringlað í því hvað það þýðir að ,,sameinast Evrópu" í raun og veru. Fyrir mið- og austur evrópuríki sem voru áður hluti sovétríkjanna, lá fegurðin í augum þess sem horfði. Þau kusu að sameinast ESB upp úr 1990 því að þau héldu að ESB mundi taka þau undir sinn verndarvæng og hjálpa þeim að koma á fót nútíma vestrænum iðnaðarkapítalisma með batnandi lífsgæðum. Þess í stað leit ESB forustan einfaldlega á þessi hagkerfi sem markaði fyrir sinn eigin landbúnaðar- og iðnaðarútflutning og sem strórgróðabrall fyrir banka sína með því að ganga til sýndarsamstarfs við Sovét-style sjálftökustjórnmálamenn sem dómíneruðu þessi hagkerfi. ESB leit undan þegar það sá glæpona taka yfir og studdi þá í raun svo lengi sem þeir seldu Evrópumönnum mjög svipað og þegar innbrotsþjófur selur verðinum, einkavæddu samneysluna í klíkuskap, seldu fasteignir og birgðir til evrópskra fjárfesta, og tóku lán í erlendum gjaldmiðlum til að kynda heimsins mestu (og óstöðugustu) fasteignabólu. Hrunið í kjölfar þessa falska upphafs er að rífa evruna í sundur.

Tilfelli Lettlands og Eystrasaltsríkjanna er lýsandi. Rétt eins og Ísland voru þeir hlaðnir skuldum langt umfram getu þeirra til að endurgreiða - húsnæðislán skráð í erlendum gjaldmiðlum voru allsráðandi, þannig að þeir geta ekki notfært sér þá ágætu aðferð að láta verðbólgu og tímann éta niður skuldirnar. Það stoðar ekki heldur fyrir ríkisstjórnina að taka lán frá IMF og ESB til að borga út ónýtar skuldir einkageirans sem innifelur að kreista fé út úr landsmönnum með enn hærri sköttum á vinnu, og þar með verðleggja hana (og þar með innlendan iðnað) út af heimsmarkaði. Í þessari stöðu er hagkerfið ófært að þéna nægilega til að greiða fyrir nauðsynlegan innflutning og greiða skuldirnar sem er búið að drekkja því í.

Þetta er vandamál sem Ísland verður að forðast. Því miður hefur meðferð ESB á fyrrum-Sovét ríkjum sýnt fram á hversu grimmilega það getur staðið vörð um þrönga þjóðarhagsmuni og virkað sem rándýr í leiðinni. Joaqim Almunia úr framkvæmdastjórn ESB gerði forsætisráðherra Lettlands þetta ljóst í bréfi þann 26.jan 2009 þar sem hann útlistaði með hvaða skilmálum Evrópa mundi splæsa á erlenda banka sem starfa í Lettlandi - á kostnað Lettlands sjálfs. Hann tók skýrt fram að Lettland mætti EKKI nota ESB lán til að þróa sitt eigið hagkerfi eða til að lækka háa skatta sem hindra að störf skapast, nei einungis til að borga skuldir lánadrottna í vestri. (aðallega Skandinavíska banka) og til að kaupa innflutning frá þeim.

Quote

Veitta aðstoð skal nota til að forða fjármálakreppu, sem útheimtir að endurreisa traust í bankakerfinu [nú algerlega í eigu erlendra aðila] og til að byggja upp gjaldeyrisvarasjóði Lettneska seðlabankans. ... Ekki er ætlast til að fjárhagsaðstoðin sé notuð til að úr verði ný lán til fyrirtækja og heimila. .. það er mikilvægt að vekja ekki illa grundaðar væntingar meðal almennings og jafnframt að andæfa misskilningi sem kann að rísa í þessa veru. Það veldur áhyggjum að við höfum orðið vitni að því nýlega í opinberum umræðum innan Lettlands að kallað er eftir því að hluti aðstoðarinnar verði notaður inter alia til að styðja útflutningsgreinar og til að örva efnahagskerfið með aukinni eyðslu. Það er mikilvægt að andæfa þessum ranghugmyndum á virkan hátt.

Þetta setur Lettland í stöðu þjóðar sem hefur verið sigruð í stríði og þarf að greiða stríðsskaðabætur. Óeirðir brutust út, og mótmælendur tóku yfir fjármálaráðuneytið. Þetta var atburðarás sem hefur nú verið endurtekin í Ungverjalandi, Úkraínu og öðrum löndum nýverið. Minnir á "AGS óeirðirnar" í latnesku ameríku á sjöunda og áttunda áratug síðustu aldar. Sem vekur ekki mikla von um að innganga í ESB muni, sem slík, leysa svipuð efnahagsleg hreinsunarverkefni fyrir Ísland. Í stað þess að hjálpa fyrrum-Sovét ríkjunum að þróa sjálfbær hagkerfi leit vestrið á þau sem efnahagslegar ostrur til að brjóta upp, skuldvæða þau til að taka út úr þeim arð í formi vaxta og gróða af fjármálagerningum, og skilja loks við þau sem brotnar skeljar. Eftir að sjálftökustjórnmálamenn, erlendir bankar og fjárfestar hafa fjarlægt fé sitt út úr hagkerfinu verður Lettneska latóinu leyft að falla. Erlendir kaupahéðnar geta þá komið inn og keypt innlendar eignir fyrir slikk, aftur.

Þetta hljómar ótrúlega svipað og það sem Ísland er að ganga í gegnum. Hættan er að það gefist upp fyrir evrópskum hagsmunum sem sækjast eftir rétti til fiskveiða, ná einokunarstöðu á bankamarkaði og lána ríkinu til að splæsa út evrópska fjárfesta sem hafa gamblað og tapað í nú-óstarfhæfum íslenskum bönkum. Maður vonar að Grænir og Framsókn muni endurskoða mögulega skilmála fyrir aðild að ESB og upptöku evru, en skipti ekki út innlendum sjálftökustjórnámálamönnum fyrir erlenda efnahagslega yfirsetumenn bara vegna þess að þeir eru evrópskir. Það mundu bara vera skipti á einum hópi vel-tengdra innherja fyrir annan, aðallega mundi það þjóna hagsmunum breta.

Að kalla kosningarnar á laugardaginn ,,sigur fyrir vinstrið" með snúningi til ESB er því veruleikafölsun. Ef slegið er hefðbundinni vinstri/hægri mælistiku á úrslitin virðist fylgi við ESB vera til hægri í því að hygla hagsmunum fjármálamanna (efnahagslegt harðræði sem setur hagsmuni skuldara neðar en lánadrottna, og skuldahjöðnun til að rústa eyðslu í velferðarkeri) Jafnaðarmannaflokkar (Social Democrats) víða um heim hafa verið hugmyndafræðilega ýktastir einkavæðingarsinna. frá Tony Blair's New Labor í bretlandi til Roger Douglas Nýja sjálandi til Ástralska verkamannaflokksins.

Íslenskir jafnaðarmenn hóta hraðferð inn í Evrópu og að stilla málinu upp í allt eða ekkert kosningar - um það hvort ganga skuli inn á þeim skilyrðum sem flokkurinn semur um, án þess að blanda borgurunum inn í ferlið. Forsætisráðherra Jóhanna Sigurðardóttir vonast til að hefja aðildarviðræður innan tveggja mánaða og að hafa kosningar um inngöngu í lok næsta árs. Hvað varðar þingbundið lýðræðisfyrirkomulag er þetta plan svipað og þegar leiðtogar Sjálfstæðisflokks og Framsóknar samþykktu að ganga í bandalag hinna viljugu í Írak, og hunsuðu eðlilega málsframvindu með því að sniðganga alþingi.

Á meðan er hætta á að ESB og evran liðist í sundur vegna verðhruns fyrrum-Sovét hagkerfanna,  harðræði án þess að hafa þróað innviði þeirra utan fasteignamarkaðar. Samt finn ég lítinn skilning á því hvernig evran og hið útþanda ESB er að gliðna vegna óstöðugleika fyrrum-Sovét hagkerfanna sem hafa engar ásættanlegar leiðir til að fjármagna kerfislægan viðskiptahalla, núna þegar fasteignabólan er sprungin og ekki er lengur lánað í erlendum gjaldmiðlum til fasteignakaupa í þessum ólánsömu ríkjum. Stjórnun peningamála í Evrópu lítur út fyrir að vera næstum jafn ábyrgðarlaus og Íslands.

Mislukkaður verndarvængur ESB gagnvart eystrasalts- og mið evrópu ríkjunum gefur til kynna að Íslandi væri hollast að snúa sér að því að leysa sín eigin vandamál sjálft, og keyrði sína þjóðhagslegu hagsmuni áfram á meðan það hreinsar upp eftir stórslysalega ný-frjálshyggjutilraun sína. Raunverulegar markaðs umbætur mundu skipta út minnisvarða höfðingjaveldisins þar sem kvóti yrði á uppboðsmarkaði og rentan sem skatta grunnur og endurreisa skynsamlegt almennt bankakerfi. Þegar upp er staðið er efnahagslegt sjálfstæði Íslands að veði.

[Andri Geir Arinbjarnarson, 6.5.2009 kl. 10:27]

Hjörleifur,

Tek undir með þér um andvaraleysi íslenskra stjórnmálamanna.  En vandamálið er meir en andvaraleysi það er skortur á sérþekkingu, sjálfstæðri hugsun og óháðu mati sem er fylgifiskur smæðar þjóðfélagsins.  320,000 manna þjóðfélag hefur ekki bolmagn til að skilja, samþykkja og framfylgja flóknum milliríkjasamningi eins og EES ein og óstudd.  Hvað ætli það séu margir Alþingismenn sem hafi lesið og skilji EES samninginn? 

Auðvita kemur upp sama vandamál við ESB viðræður enda sjáum við glöggt að sú umræða er hvorki sérstaklega fagleg eða yfirgripsmikil.  Þjóðin getur ekki reytt sig eingöngu á túlkun íslenskra stjórnmálamanna þegar kemur að ESB.  EES slysið kennir okkur það, ef svo má komast að orði.  Því er mikilvægt að helstu forráðamenn ESB og helstu andstæðingar ESB "blandi" sér í umræðuna á faglegum grunni og miðli af sinni reynslu og þekkingu.  Aðeins með upplýstri umræðu á eins breiðum grunvelli og við getum fengið er von að þjóðin taki rétta ákvörðun í þjóðaratkvæðisgreiðslu